E rëndë, mbytet 60-vjeçari në Pogradec

Një tjetër ngjarje e rëndë është shënuar në vendin tonë.

Një 60-vjeçar është gjetur pa shenja jete në një rezervuar në Pogradec.

Burri u gjet pa shenja jete në rezervuarin e fshatit Grabovicë.

Policia sqaron se nga ekspertiza e kryer, në trupin e 60-vjeçarit nuk janë gjetur shenja të dhunës.

“Më datë 14.08.2023, rreth orës 15:33, në rezervuarin e fshatit Grabovicë, Pogradec, është gjetur i mbytur shtetasi E. A., rreth 60 vjeç, banues në fshatin Leshnicë, Pogradec, i cili dyshohet se vuante nga probleme të shëndetit mendor. Nga këqyrja paraprake e trupit të viktimës nuk janë konstatuar shenja dhune.

Grupi hetimor po punon për zbardhjen e rrethanave të ngjarjes”, njofton policia.