Nisja me një barazim, e kampionatit, nga ana e Barcelonës, nuk është kapërdirë mirë nga trajneri katalanas, Xavi Hernandez. Tekniku është ankuar, pas sfidës me Getafen, për shumë gjëra, nga arbitri deri te minutat shtesë (që ishin të konsiderueshme).
Duhet theksuar se, ish-mesfushori, e ka bërë zakon, gjetjen e justifikimeve për rezultatet negative.
Në miqësoren përballë Arsenalit, të humbur me shifrat 5-3, ish-trajneri i Al-Sadd, u ankua për lojën e fortë të ekipit britanik.
Këtë herë, dikush nuk ka duruar më, duke e nxjerrë zbuluar Xavin si një trajner “qaraman”
Portieri i Getafes, David Soria ka komentuar pakënaqësinë e Xavi-t për barazimin.
“Sezonin e kaluar ishte dielli dhe bari, këtë sezon ishte arbitri. Ata gjithmonë kanë justifikime.
Më pëlqen që ata mendojnë kështu. Kjo do të thotë që ne po bëjmë gjithçka siç duhet.
Ata nuk mund të vijnë në stadiumin tonë dhe të luajnë ashtu siç duan. Dhe ne nuk mund të luajmë si Barcelona, ne kemi pika të tjera të forta.
Tashmë presin, “kryeveprën” e radhës nga ana e trajnerit ekspert.
Discussion about this post