Detaje të reja janë zbardhur nga krimi që tronditi Bulqizën në orët e vona të së hënës, ndërsa viktimë mbeti 26-vjeccari, Dritan Manjani.
Policia ka arriturtë identifikojë dhe arrestojë autorin e dyshuar të vrasjes, 30-vjeccarin Dorjan Dema, i cili qëlloi për vdekje me një kaccavidë fqinjin e tij.
Sipas raportimeve, viktima dhe autori ndodheshin në një lokal deri në orët e vona të së hënës, ndërsa krimi ndodhi në hyrje të Shupenzës. Autori dhe viktima ishin fqinj me njëri-tjetrin në fshatin Homesh.
Mësohet se autori Dorjan Mema ka qenë duke shkuar në shtëpinë e djalit të xhaxhait të Dritan Manjanit, për t’u konfliktuar fizikisht me këtë të fundit, ku dyshohet se sherri mes tyre kishte nisur për shkak të bullizimit.
Dritan Manjani i ka dalë para Dorjan Memës për ta ndaluar, por janë konliktuar me njëri-tjetrin dhe 30-vjeçari e ka goditur disa herë me kaçavidë, duke e lënë të vdekur në vend dhe më pas është larguar.
Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes.
Ndërkohë, ka dalë dhe fotoja e viktimës, 26-vjeçarit Dritan Manjani, i cili është personi në foton e mëposhtme.
“Në orët e vona të mbrëmjes, në Shupenzë shtetasi D.D., 30 vjeç, banues në fshatin Homesh, për motive të dobëta është konfliktuar me shetasin D.M., 26 vjeç, banues në Homesh. Gjatë konfliktit 30-vjeçari e ka goditur me kaçavidë 26-vjeçarin, i cili si pasojë e plagëve ka humbur jetën në spital.
Shërbimet e Policisë falë reagimit në kohë, lokalizuan, kapën dhe arrestuan autorin e ngjarjes shtetasin D.D. Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes”, thuhej në njoftimin e Policisë.
Ndërkohë për të parandaluar çdo konflikt të mundshëm mes familjes së viktimës dhe autorit, Policia ka marrë në mbrojtje familjen e këtij të fundit.
Siç shihet dhe në foton, efektivë të Policisë së Dibrës, janë vendosur para banesës së Demës.
Një banor i zonës ka treguar se 26-vjeçari nuk ishte problematik. Duke rrëfyer detaje nga ngjarja, banori i zonës tha se rreth orës 22:00 të së hënës në zonë janë parë dy makina. i riu ka dalë jashtë pasi i kanë rënë burisë, duke menduar se mos ka zënë rrugën ka dalë jashtë dhe më pas ka ndodhur tragjedia.
“Ishte djali më i mirë, nuk bën më nëna. Ka punuar në Greqi, me nder. i ka djemtë shumë të mirë. Nuk ishte i martuar, dhe nuk di të kenë pasur konflikt apo probleme. Nuk kanë hapur kurrë probleme. Për ngjarjen di që kanë qenë duke pirë.
I kanë parë të tjerë dhe më pas morëm vesh që ndodhi kjo ngjarje.
Ishin në të njëjtën vend me autorin tek lokali. Por thanë që më mbrapa kanë ardhur dy makina, e kanë thirrur këtë djalin.
Ai ka dalë jashtë dhe më pas ka ndodhur edhe vrasja. Kanë ardhur natën nga ora 21:45, me makina me dy makina , thonë ata që i kanë parë unë nuk i kam parë. Nëna vet i ka thënë; ‘dil or djalë se mos keni zënë rrugën’ se mos është duke ardhur ndonjë makinë tjetër. Ka qenë duke ngrënë bukë, dhe më pas ka ndodhur ajo që ndodhi”, ka treguar ndër të tjera një banor i zonës.
Discussion about this post