Një nga lojtarët më të rëndësishëm të Teutës, në sezonin triumfues 2020-2021, është larguar përfundimisht nga klubi durrsak, duke përfunduar kështu, një aventurë që me siguri do t’a mbajë mend pozitivisht.
Lorenco Vila nuk do të jetë pjesë e Teutës për sezonin e ri në Abissnet Superiore.
Lajmi u bë i ditur nga vetë klubi, teksa pak më parë futbollisti ka reaguar përmes një postimi në rrjetet sociale.
Ai shkruan se ka kaluar 7 vite të mrekullueshme dhe se është krenar që ka veshur fanellën e Teutës. Ndër të tjera, Vila ka falenderuar miqtë, tifozët si dhe presidentin e klubit.
Orët në vijim, pritet të mësohet dhe destinacioni i ri, i futbollistit.
Discussion about this post