Një nga mbrojtësit më të mirë të brezit të tij, këtë sezon, pas përfundimit të aventurës, jo ekselente te PSG, është ende një lojtar i lirë.
Sezoni i ri futbollistik është duke nisur dhe Sergio Ramos është ende në kërkim të një ekipi për të vazhduar karrierën e tij.
Duke hedhur poshtë hipotezën e Inter Majemit, media spanjolle “Relevo”, ka raportuar se ka mbërritur një ofertë interesante për mbrojtësin spanjoll.
Ekipi turk, Gallatasarai i ka ofruar një kontratë 2-vjeçare me vlerë 5.5 milionë euro në sezon. Tashmë pritet të shohim se çfarë do të ndodhë në ditët në vijim, duke mos harruar që u fol gjithashtu, dhe për një kthim te Real Madridi, pas dëmtimit të rëndë të Eder Militaos.
Në fushë për më shumë se 20 vite, ai ka fituar praktikisht gjithçka: nga titujt kombëtarë në Spanjë dhe Francë deri te trofetë e Champions League, Kupën e Botës FIFA (2010) deri te Kampionatet Europiane (2008, 2012).
Discussion about this post