Mbretëresha e pop-it Madonna, sot mbush 65 vjeç dhe më këtë rast iu ka bërë një dhuratë ndjekësve të saj: janë shpallur datat e reja të Turneut Celebration, të pezulluar pas shtrimit në spital për një infeksion të rëndë bakterial për shkak të të cilit kaloi disa ditë në terapi intensive.
Data 15 korrik në Vankuver është anuluar, takimi i ri për fansat e yllit të popit është për 14 tetor në O2 Arena në Londër.
13 dhjetor në Nju Jork- Në planet origjinale, Turneu Celebration, i organizuar nga ylli për të festuar 40 vjet karrierë, duhet të kishte prekur 43 qytete në mbarë botën, njëmbëdhjetë në Evropë. Pas datës në Londër, turneu i Amerikës së Veriut fillon më 13 dhjetor në Barclays Center në Brooklyn, Nju Jork, i cili do të zgjasë deri në prill 2024 me koncertin e fundit në Palacio de los Deportes në Mexico City. Koncertet në San Francisko, Las Vegas, Phoenix, Tulsa, Oklahoma, Nashville dhe Tennessee janë anuluar për shkak të konflikteve të planifikimit. Ndërsa datat në Itali 23 dhe 25 nëntor në Forumin Mediolanum në Assago janë konfirmuar.
Premtimi për fansat- Menjëherë pas sëmundjes që trembi fansat, Madonna u rikthye në rrjetet sociale për të falenderuar të gjithë për mesazhet e shumta të dashurisë së marrë . “E ndjeva dashurinë tuaj”, ka shkruar ajo në Instagram.
“Mendimi im i parë kur u zgjova në spital ishin fëmijët e mi. Mendimi im i dytë ishte se nuk doja të zhgënjeja askënd që bleu bileta për turneun tim. Gjithashtu nuk doja të zhgënjoje njerëzit që punonin pa u lodhur me mua. “Në muajt e fundit të krijimit të spektaklit tim, e urrej të zhgënjej dikë,” shtoi këngëtarja.
Më pas ‘Mbretëresha e popit’ iu bëri dhe një premtim fansave: ” Plani aktual është që të riplanifikohet pjesa e turneut në Amerikën e Veriut dhe të fillojë në tetor në Evropë. Nuk mund të isha më mirënjohës për kujdesin dhe mbështetjen tuaj.”
Premtimin mesa duket e ka mbajtur me rastin e ditëlindjes.
Discussion about this post