Qëlloi me armë në ajër, shpallet në kërkim 28-vjeçari

Policia e Tiranës ka shpallur në kërkim një 28-vjeçar pasi ka qëlluar me armë në ajër mbrëmjen e djeshme, në fshatin Brar në Tiranë.

Në kërkim është shpallur dhe një 48-vjeçar, i cili pa të riun kur qëlloi me armë, por nuk ka kallëzuar ngjarjen.

“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe kanë shpallur në kërkim shtetasit K. H., 28 vjeç dhe G. H., 48 vjeç, banues në fshatin Brar, Tiranë. Ditën e djeshme, rreth orës 20:30, në fshatin Brar, dyshohet se shtetasi K. H. ka qëlluar në ajër, me armë zjarri. Shtetasi G. H. ka patur dijeni për ngjarjen, por nuk ka kallëzuar”, njofton policia.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.