Gropë të rëndë morale, e ka cilësuar deputeti demokrat Kreshnik Çollaku, kandidimin e Fredi Belerit për kryebashkiak të Himarës në zgjedhjet e 14 majit, nga koalicioni “Bashkë Fitojmë” i drejtuar nga Sali Berisha dhe Ilir Meta.
Në një intervistë televizive, deputeti Çollaku, një prej mbështetësve të Lulzim Bashës, tha se ka kundërshtuar në mënyrë të qartë kandidaturën e Belerit nën hijen e opozitës.
“E kam konsideruar gropë të thellë morale kandidimin e Belerit nga një pjesë e PD që quhet rëndomtë si Rithemelimi.
Beleri edhe në muajt e para të kandidimit bënte fushatë me flamurin e Vorio Epirit, një organizatë që pretendon territoret shqiptare që nga Vlora e Himara.
Është hipokrite që të pranosh një njeri që bën fushatë me flamurin e Vorio Epirit dhe të flasësh nga mëngjesi në darkë për Kosovën.
Himarën ja dorëzon një ushtari të Vorio Epirit; kjo më duket humnerë e madhe morale që miqtë e Rithemelimit kanë detyrim t’u përgjigjen demokratëve.
Nuk duhej të ishte pranuar si kandidat edhe nga institucione të tjera të Shqipërisë”, tha Çollaku.
Discussion about this post