Alica Schmidt, e cila ka garuar në vitin 2021, në Olimpiadën e Tokios, u shpall si ‘atletja më seksi e atij kompeticioni’, ka kthyer fokusin e saj te sporti i saj i preferuar.
Ajo sfiloi në Javën e Modës së Milanos për Boss shtatorin e kaluar, e veshur me koleksionin Russell Athletic të shtëpisë së modës.
Alica Schmidt tërhoqi vëmendjen e të pranishmëve, krahas supermodeleve Gigi Hadid, Joan Smalls dhe Irina Shayk.
Edhe pse Schmidt ka 4.2 milionë ndjekës në Instagram, ajo ka gjëra që zgjedh të mos i ndajë në rrjetet sociale. Ajo i përdor rrjetet sociale duke ndarë vetëm aspekte të jetës së saj atletike, shkruan tch.
Alica Schmidt, e lindur më 8 nëntor 1998, ishte një anëtare e ekipit kombëtar gjerman, që doli i dyti në garën e stafetës 4×400 m në Kampionatin Evropian të Atletikës U20 më 2017 dhe e treta në të njëjtën garë në Kampionatin Evropian të Atletikës U23 më 2019.
Schmidt ishte anëtare e ekipit gjerman të stafetave në Lojërat Olimpike Verore në vitin 2021, megjithëse ajo nuk konkurroi.
Ajo është një atlete jashtëzakonisht e talentuar, që thotë se nuk i intereson titulli i saj si “Miss”-i i atletikës, por fokusohet në vendosjen e qëllimeve më të larta dhe të bëhet gjithnjë e më mirë.
23-vjeçarja, e cila ka ecur në sfilata dhe tapete të kuq, shprehet se “Bukuria bazohet në opinionin subjektiv të dikujt tjetër që gjykon pamjen e një personi. Dua të besoj se bukuria vjen nga brenda!”
Tani besojmë se Gjermania do ketë më shumë tifozë, gjatë Lojërave Olimpike.
Discussion about this post