Janë ulur ndjeshëm shifrat e Covid-19 në Kosovë, ku gjatë 24 orëve të fundit është shënuar vetëm një viktimë.
Sipas Ministrisë së Shëndetësisë, tetë persona janë infektuar me Covid-19, ndërsa numri i rasteve aktive ka shkuar në 320. Gjithashtu, në 24 orët e fundit janë injektuar 607 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.615.360 doza të vaksinës.
Ndonëse shifrat e Covid kanë rënë ndjeshëm, ekspertët e shëndetit publik bëjnë thirrje që të respektohen masat anti-Covid për shkak të rrezikut që po i kanoset botës nga varianti i ri i Covid, i quajtur “Omicron”.
Discussion about this post