Dy të rinj janë arrestuar 20 minuta pasi kishin vjedhur një makinë në një pikë lavazhi, pranë Plazhit të Vjetër në Vlorë. Të arrestuarit kishin arritur të merrnin mjetin me pretendimin se i ka dërguar pronari i tij.
Një makinë tip “golf” e parkuar pranë një lavazhi nga pronari i mjetit, nuk është gjetur më nga ky i fundit pasi u kthye për ta marrë, pasi dy persona me pretendimin se i kishte dërguar pronari i makinës, kanë arritur ta vjedhin mjetin, me të cilin janë larguar më pas.
Pronari ka lajmëruar menjëherë policinë për ngjarjen dhe rreth 20 minuta pas marrjes së denoncimit efektivët e rrugores kanë pikasur mjetin që po lëvizte drejt autostradës Vlorë- Levan.
Pak minuta pasi i janë vënë në ndjekje policia ka bërë të mundur ndalimin e mjetit dhe arrestimin e dy të rinjve.
Discussion about this post