Këngëtarja e njohur shqiptare, Enca Haxhia, ka publikuar së fundmi bashkëpunimin e saj më të ri.
Ajo ka bashkuar forcat për herë të dytë me Muharrem Ahmetin, për të sjellë bashkarisht një këngë të re të titulluar “Albanian”.
Kënga është e zhanrit pop e kombinuar me tallava dhe vija melodike është realizuar nga vetë Enca, gjersa muzika nga Fatjon Myftari.
Ndërsa për vargjet e tekstit janë shkruar nga vetë Enca dhe Endrit Mumajesi i njohur si MUMA.
Klipi i këngës po ashtu si edhe kënga është realizuar me motive patriotike dhe një pjesë e tij është xhiruar në Arenën Kombëtare.
Pjesë e videos muzikore është i dashuri i ri i këngëtares shqiptare, masazheri afrikan Mickey Neblett, i cili në klip mund të shihet duke luajtur në daulle.
Discussion about this post