Skuadrat e Kategorisë Superiore po bëhen gati për kampionatin që nis fundjavën e ardhshme dhe kanë shfrytëzuar këtë periudhë që të zhvillojnë miqësore për të kolauduar ekipin. Një e tillë mjaft interesante është luajtur sot në Shkodër mes Vllaznisë dhe Dinamos.
Të dy skuadrat kanë pësuar ndryshime të mëdha si në përbërje, ashtu edhe në pankinë para startit të sezonit.
Të dy trajnerët përkatës, Migen Memelli dhe Luixhi Di Biaxho, janë ende duke ndërtuar rreshtimin me të cilin do të përballojnë javën e parë të kampionatit.
Edhe pse ndeshja kishte raste në të dy portat, ajo u mbyll 0-0, teksa teknikët provuan ato që mendohet se do të jenë rreshtimet bazë të tyre për javën e parë të Superiores me ndryshime të vogla, për të parë gjendjen e disa lojtarëve./PanoramaSport
Discussion about this post