Ish-kryetari i komunës së Velipojës Pashko Ujka dyshohet se është ekzekutuar nga vrasës me pagesë.
Tre janë “provat” që ngrenë dyshimet se autorët janë porositur për të vrarë ish-zyrtarin
- Pistat e hetimit dhe e shkuara e Pashko Ujkës
Konfliktet e krijuara për shkak të detyrës si ish kryetar i Komunës së Velipojës, por dhe aktiviteti privat i ndërtimit që drejtohej nga i biri janë pistat kryesore të hetimit për ekzekutimin në Shkodër të ish-deputetit Pashko Ujka.
Gjatë kohës kur mbante detyrën e kreut të komunës bregdetare, në vitet 2011-2015, Ujka dhe vartësit e tij kanë qenë nën hetim për akuzën e “Falsifikimit të dokumenteve” dhe “Shpërdorimit të detyrës”.
Prokuroria, atë kohë kishte dyshime të forta se aty ishin ndarë dhjetëra akte të marrjes së tokës në pronësi.
- Ujka dyshohet se është ndjekur nga autorët dhe me pas është qëlluar në hyrje të banesës së tij në qendër të Shkodrës me një plumb të armës silenciator.
Një tjetër hetim që ngre dyshimet për vrasës me pagesë është edhe koha kur autorët kanë zgjedhur për të kryer vrasjen.
Ujka u ekzekutua mbrëmjen e djeshme, atëherë kur ka mbizotëruar errësira totale, çka e bën më të vështirë identifikimin dhe kapjen e autorit, po ashtu edhe provat që ai ka zhdukur nga vendi i ngjarjes pas vrasjes. 64- vjeçari mbeti i plagosur rëndë dhe ndërroi jetë në Spital.
- Dyshimet se autori është arratisur drejt Shkodrës po nuk dihet ende nëse ka qenë i shoqëruar, në momentin që ka kryer vrasjen. Vrasja mësohet se është fiksuar nga një kamera sigurie në zonë, por pamjet dhe dëshmia e familjarëve të Pashkë Ujkës nuk e kanë ndihmuar shumë hetimin duke e shtuar këtë ngjarje në sagën e ekzekutimeve mafioze të shënuar gjatë muajve të fundit në vend.
Discussion about this post