Unioni i Berlinit e nisi në mënyrë fantastike sezonin e ri të Bundesliga, ndërsa fitoi me 4 gola në javë e parë ndaj Mainz.
Vendasit zhbllokuan sfidën me Behrens, që gjeti rrugën drejt rrjetës që në minutën e parë.
Ndërsa në minutën e 9’ i asistuar nga Laidouni, Behrens dyfishoi avantazhin e Union Berlin.
Në fraksionin e dytë miqtë u shfaqën më kërkues dhe fituan një penallti, por Ajorque e humbi goditjen nga pika e bardhë e penalltisë në minutën e 63’.
Megjithatë një minutë më pas Caci realizoi për Mainz dhe ngushtoi rezultatin, duke rihapur sfidën.
Nga ana e Union Berlin vazhduan me sulmet dhe në minutën e 70’ Behren bëri “hat-trick”, duke i dhuruar siguri ekipit të tij.
Fati nuk ishte në anën Mainz dhe Ajorque në këtë ndeshje, me lojtarin që në minutën e 88’ humbi sërish një penallti.
Në fund gjithçka u vulos nga Millosh Pantovic, i cili në minutën e 96’ e çoi rezultatin në 4-1.
Kështu Unioni e nis sezonin e ri me fitore dhe merr 3 pikë, teksa Mainz nga ana tjetër del pa pikë nga java e parë e Bundesliga./SSA
Discussion about this post