Covid-19 në vend, 4 humbje jete dhe 195 raste të reja

Ministria e Shëndetësisë ka bërë publike shifrat në përballjen me pandeminë gjatë 24 orëve të fundit, ku raportohet për 195 raste të reja nga 1400 testime të kryera. Ndërkohë betejën me Covid-19 nuk kanë mundur t’a fitojnë 4 qytetarë, të cilët raportohet se janë një qytetar nga Korça 65 vjeç, një qytetare nga Elbasani 67 vjeçe, një qytetar nga Lezha 82 vjeç, një qytetare nga Fieri 85 vjeçe.

Gjithashtu në 24 orët e fundit janë shëruar 557 qytetarë, duke e çuar numrin e të shëruarve në 189,784 që nga fillimi i epidemisë. Aktualisht janë 7065 pacientë aktivë me Covid-19 në të gjithë vendin, ndërsa në spitalet COVID po marrin trajtim 169 pacientë, nga të cilët 15 janë në gjendje më të rënduar.

Shpërndarja gjeografike e rasteve aktive sipas qarqeve:

Tiranë            3600

Fier                  699

Gjirokastër     530

Shkodër          477

Berat               396

Durrës             388

Elbasan           309

Vlorë                221

Korçë               177

Lezhë               152

Dibër                 67

Kukës               49