Me siguri ka qënë një nga transferimet më të debatuara nga tifozët e Interit. Largimi i Andre Onanës nga klubi lombard, shkaktoi një dozë jo të vogël zemërimi, me tifozët që nuk dinin nga ta drejtonin gishtin e akuzës.
Kamerunasi, u bë idhull për popullin zikalëtr, gjatë qëndrimit të tij një-vjeçar në Milano, duke e mbajtur portën e paprekur në shumë ndeshje decisive të sezonit 2022-23.
Shitja e tij te Manchester United, u krye për shifrën e 50 milionë eurove dhe pikërisht për këtë gjë është shprehur edhe administrator i deleguar i Interit Xhuzepe Marota.
Marota foli hapur, ndërsa theksoi në prononcimin për mediat italiane se ishte e vështirë të refuzoje një shifër si ajo e “Djajve të Kuq”.
“Kur një lojtar kërkohet nga një klub më i pasur, është e vështirë ta mbash. Nuk është e mundur të heqësh dorë nga shuma të caktuara. Ne nuk mund të konkurronim me 50 milionët e Junajtid dhe në të njëjtën kohë gjetëm alternativa për portën”, tha ai.
Discussion about this post