Granit Xhaka ka bërë një rikthim të bujshëm në Bundesliga. Mesfushori shqiptar me pasaportë zvicerane u largua në këtë verë nga Arsenali për t’iu bashkuar Bayer Leverkusenit të Xabi Alonsos.
Që në ndeshjen e tij të parë me Farmacistët, Xhaka ia ka dalë të futet në formacionin e javës së përzgjedhur nga mediumi gjerman, Kicker.
Mesfushori preku 57 herë topin dhe 85 për qind të pasimeve i pati të sakta në fitoren 3-2 të Leverkusenit ndaj RB Leipzigut.
Xhaka ka luajtur plot 90 minuta në këtë takim dhe duket se do të jetë lojtari i tyre kyç në këtë sezon në mesfushë.
Formacioni i përzgjedhur nga Kicker: Frederik Ronnow (Union Berlin); Jeremie Frimpong (Bayer 04 Leverkusen), Odilon Kossounou (Bayer 04 Leverkusen), Ozan Kabak (TSG Hoffenheim), Alphonso Davies (FC Bayern Munchen); Granit Xhaka (Bayer 04 Leverkusen), Silas Katompa Mvumpa (VfB Stuttgart), Leroy Sané (FC Bayern München), Dani Olmo (RB Leipzig), Chris Führich (VfB Stuttgart); Kevin Behrens (Union Berlin).
Discussion about this post