Defekt në motor, Policia jep detajet për makinën që mori flakë në Tiranë

Policia ka dhënë njoftimin zyrtar për ngjarjen e ndodhur në rrugën “Gramoz Pashko” në Tiranë, ku një makinë ka marrë flakë.

Në njoftimin e policisë thuhet se rreth orës 18:15, në rrugën “Gramoz Pashko”, ka marrë flakë në pjesën e motorit, mjeti në pronësi të personit me iniciale M. C., të cilin sapo e kishte parkuar.

Paraprakisht dyshohet se zjarri ka rënë si pasojë e një defekti në motor. Ndërkohë për fat të mirë nuk ka dëme në njerëz.

Grupi hetimor po punon për përcaktimin e shkaqeve të rënies së zjarrit.