Komisioni i Ankesave dhe Sanksioneve në KQZ nuk ka marrë në shqyrtim kërkesën ankimore të Partisë Demokratike, e cila në zgjedhjet e pjesshme të 24 shtatorit në bashkinë e Kukësit do të përfaqësohet me një anëtar në KZAZ.
“Sot, Komisioni i Ankesave dhe Sanksioneve shqyrtoi elementet e formës dhe te përmbajtjes se kërkesës ankimore nr.93. Ne përfundim te shqyrtimit paraprak, KAS vendosi mos kalimin për shqyrtim”, thuhet në njoftimin e KQZ.
Partia Demokratike depozitoi dje (21 gusht) ankimimin në KQZ, ku kërkoi që të përfaqësohet në zgjedhjet e 24 shtatorit në Kukës dy komisionierë dhe jo një të vendosur nga KQZ.
Kujtojmë se Celibashi ditën e djeshme përcaktoi partitë politike që kanë të drejtë të propozojnë anëtarët e komisionit zonal të administrimit zgjedhor për betejën elektorale për bashkinë e Kukësit, duke vendosur se PS do të propozoje 3 anëtarë, Partia e Lirisë 2 anëtarë dhe një anëtar Partia Demokratike.
Discussion about this post