Nuk ka qënë aspak sekret se Bernardo Silva kishte tërhequr interesim e admirim nga ana e FC Barcelona, klub i cili, e pëlqen shumë dhe ka aspiruar ta nënshkruajë për një kohë të gjatë.
Në të vërtetë, “Blaugranat” bënë një përpjekje për të nënshkruar me portugezin në secilën nga dy dritaret e fundit verore dhe edhe një herë shprehën interes për të edhe këtë vit.
Ashtu si në të kaluarën, megjithatë, Barça nuk mundi të kompletonte nënshkrimin e Silvës, për shkak të situatës financiare në klub.
Raportet gjatë verës kanë pohuar se superylli i Manchester City ishte i hapur për t’u bashkuar me kampionët e La Ligas këtë verë.
Por, katalanasit nuk mund të grumbullonin paratë e nevojshme për të përfunduar nënshkrimin, me ofertën e tyre për huazim me të drejtë blerje me vlerë 50 milionë euro që thuhet se u rrëzua nga City.
Bernardo Silva ka nënshkruar kontratë të re me Man City
Me mbylljen e dyerve për një kalim te Barcelona, Silva vendosi të nënshkruajë një kontratë të re me Manchester Cityn.
Dhe tani, kampionët e Premier League dhe të Evropës kanë konfirmuar zyrtarisht se 28-vjeçari me të vërtetë ka nënshkruar një marrëveshje të re deri në vitin 2026.
“Bernardo Silva ka nënshkruar një kontratë të re me Manchester Cityn, duke e mbajtur atë në klub deri në verën e vitit 2026”, thuhet në deklaratën zyrtare.
Me rinovimin e Silvës deri në vitin 2026, çdo mundësi për një transferim te Barcelona vitin e ardhshëm ka marrë gjithashtu një goditje pasi do të duhej një tarifë monumentale për ta joshur atë larg nga stadiumi Etihad.
Ndërsa Silva mund t’u ketë rrëshqitur nga duart e tyre, Blaugranët janë afër suksesit në ndjekjen e bashkëlojtarit të tij në City dhe Portugalisë, Joao Cancelo, i cili do të arrijë këtë javë.
Discussion about this post