Ngjarja e sotme në Kavajë, ku dy banda u përleshën në “Lagjen 1” të qytetit, shokoi opinionin publik.
Mësohet se konflikti ka nisur për një borxh që i dhunuari i kishte dhënë kohë më parë personave që e sulmuan
Dy grupet janë konfliktuar me shkopinj bejsbolli, i plagosur ka mbetur Zenel Lushkja, pasi ka marrë plagë në dorë dhe në këmbë.
Ndërkohë pas sherrit gjatë pasdites autorët e përfshirë nuk janë ndalur, por në mbrëmje i kanë goditur edhe makinën. Policia ndodhet në vendin e ngjarjes, ndërsa vijojnë hetimet për zbardhjen e plotë të shkaqeve.
Njoftimi:
Kavajë/Informacion paraprak
Rreth orës 20:15, në lagjen nr. 1 Kavajë, dyshohet se shtetasit D. H., 23 vjeç , dhe Q. B., rreth 35 vjeç, janë konfliktuar me sende të forta me shtetasin Z. L., 49 vjeç.
Si pasojë e konfliktit shtetasi Z. L., është dëmtuar dhe po merr ndihmën mjekësore në spitalin e Kavajës, jashtë rrezikut për jetën.
Shërbimet e Policisë po kontrollojnë zonën për lokalizimin dhe kapjen e dy autorëve të dyshuar.
Grupi hetimor nën drejtimin e Prokurorisë ndodhet në vendngjarje dhe vijon punën për sqarimin e rrethanave dhe dokumentimin ligjor të ngjarjes.
Discussion about this post