Partizani u mposht në ndeshjen e parë të Conference League përballë Astanas me rezultatin 1-0, në një duel që, po të mos ishte sistemi VAR, diferenca e golave mes dy skuadrave do të ishte më e madhe. Në lidhje me këtë humbje të skuadrës shqiptare në Kazakistan, ka folur dhe një nga ish-lojtarët e shquar të kombëtares shqiptare, duke mos kursyer kritikat për dy nga futbollistët e “Demave të Kuq”.
Sipas Nevil Dedes, të kuqtë ndryshuan në pjesën e dytë dhe mund të kishin bërë rezultat, por trajneri Zekiç tashmë duhet të marrë disa vendime sa u përket titullarëve.
“Në pjesën e parë, Grezda u dëmtua, u detyrua të kalonte ne mbrojtje me 3. Realisht vuajti shumë në pjesën e parë. Golin më shumë e sajoi vetë se ishte meritë e kundërshtarit. Kur krijoi kundërshtari shpërdoroi. Por pastrimi i zonës nga Koçijan… Pikëpyetjet që kisha rezultuan, që Koçijan e Zekolli nuk janë në nivelin e skuadrës së Partizanit për arritjen në grupe.
Pjesa e dytë, sidomos me zëvendësimet, i dhanë një formë tjetër interpretimi të skuadrës. Mbanin topin, ndoshta mund të jetë edhe lodhja e kundërshtarëve. Pro gjithsesi, zëvendësimet rregulluan Partizanin dhe prishën Astanën. Mund ta mbyllnim ndeshjen 1-1, shpërdoruam. Nuk është se ndërtuam shumë. Partizani pësoi dy gola të tjerë por në pozicion jashtë loje.
Maget meriton të luajë te Partizani, për shumë arsye. Nuk e di si do e gjeje formën trajneri Zekiç, por në ndeshjen tjetër i duhet patjetër Maget në mënyrën e shpërndarjes së lojës”, tha Dede për “MCN” pas përfundimit të ndeshjes.
Discussion about this post