Struga u mposht 1-0 në takimin e vajtjes përtballë Breidablik, të vlefshëm për fazën “play-off” të Conference League, duke e vështirësuar rrugën e saj drejt grupeve të kompeticionit të tretë europian për klube.
Për kapitenin e Strugës, Bunjamin Shabanin humbja ndaj Breidablik, ndodhi për shkak se nuk i shfrytëzuan siç duhej rastet që kishin.
Duke folur për meidat shqiptare pas ndeshjes, Shabani u shpreh se shpreson që gjithçka ta kthejnë në sfidën e kthimit në Islandë.
Në lidhje me ndeshjen Shabani u shpreh se që në fillim Struga kishte raste, por mungoi saktësia:
“Që në fillim të ndeshjes kishim raste, por nuk i shfrytëzuam, ndërsa kundërshtari shfrytëzoi kundërsulmet, si në rastin e golit. Megjithatë ndeshja nuk është mbyllur ende.”
Shabani ndërkohë është optimist për takimin e kthimit në ishullin në veri të Atlantikut:
“Në ndeshjen e kthimit duhet t’i shfrytëzojmë rastet shumë më mirë, pasi kemi mundësinë që në Islandë ta ndryshojmë rezultatin.”
Studimi i kundërshtarit për ndeshjen kthimit:
“Shpresojmë ta kthejmë ndeshjen, pasi edhe do e studiojmë më mirë kundërshtarin.”
Mungesa e Radeskit:
“Mungesa Radeskit u ndje shumë, por shpresojmë meqë do jetë në ndeshjen e kthimit, të mund të fitojmë.”
Discussion about this post