Ish-presidenti i SHBA, Donald Trump është larguar së fundmi nga rezidenca e tij në New Jersey me një autokolonë makinash.
Ai do të fluturojë për në Atlanta dhe do t’i dorëzohet autoriteteve në qarkun Fulton pak orë më vonë.
Ndërsa ish-presidenti i SHBA, Donald Trump po përgatitet për t’u dorëzuar në një burg në Atlanta, ai ka rishikuar ekipin e tij të mbrojtjes ligjore.
Vetëm pak orë para arrestimit, Trump ka “shkundur” ekipin e tij. Avokati i mbrojtjes penale Steve Sadou thuhet se do të zëvendësojë avokatin ekzistues, Dreu Findling, sipas New York Times.
Mbi ish-presidentin rëndojnë 13 akuza për krime në lidhje me përpjekjet e tij për të përmbysur rezultatin e zgjedhjeve të vitit 2020.
Sonte Trumpit pritet t’i merren shenjat e gishtave, të peshohet dhe të fotografohet, këtë të fundit ish-presidenti ka kërkuar që ta shmang, por ka qenë e pamundur, pasi rregullat janë strikte.
Ndërkohë shefi i shtabit të Donald Trump në Shtëpinë e Bardhë, Mark Meadows u dorëzua në burgun e qarkut Fulton, për t’u përballur me akuzat e shantazhit.
Discussion about this post