Mbrojtësi i Ballkanit Bajram Jashanica shënoi golin e barazimit në fitoren 4-1 ndaj BATE Borisovit, në sfidën e fazës “play-off” të Conference League.
Në prononcimin e dhënë pas takimit, mbrojtësi foli me superlativa për trajnerin Ilir Daja. Në prononcimin e dhënë për “Supersport Kosova”, Jashanica u shpreh:
“Pësuam një gol aksidental. Humbëm disa raste në pjesën e parë. Por në fraksionin e dytë treguam karakterin e fortë dhe vazhduam para.
Të gjithë kanë treguar vlerat dhe besoj se ishte një fitore e merituar për ne. Përveç atij rasti kur shënoi golin, e kemi mbuluar si duhet sulmuesin e BATE Borisovit.
Janë edhe 90 minuta dhe nuk duhet të nënvlerësojmë kundërshtarin. 4 me 1 është rezultat i mirë por nuk do të thotë që jemi kualifikuar [në fazën e grupeve].
Çelësi kryesor i suksesit është Ilir Daja që na solli deri këtu. Natyrisht përkrahja e presidentit nuk ka munguar”, ka thënë Jashanica, që ka bashkëpunuar edhe më herët me Dajën.
Discussion about this post