Karim Benzema është gjithnjë e më shumë protagonist në skuadrën e tij të re, Al-Ittihad, me golat e tij që po e ndihmojnë shumë skuadrën nga Xheda, përsa i përket kryesimit në kampionat, gjatë këtyre javëve të para.
Ish-lojtari i Real Madridit, mjaft aktiv gjatë gjithë ndeshjes kundër Al-Riyadh, ku ndër të tjera luajtën francezi N’Golo Kante dhe braziliani Fabinho, shënoi në minutën e 17-të, pas një pasimi të Romarinhos
Më pas pasoi një dopietë e marokenit Abderrazak Hamdalla, ku goli i parë u shënua nga penalltia. Është interesante, se Benzema i gjuante penalltitë te Real Madridi, por nuk e bën më këtë te skuadra e tij e re.
Rezultati përfundimtar u vendos në minutën 90+3, kur Amri shënoi nga pasimi i Benzemas. Kryeqytetasit humbën një penallti, në minutën e 89-të, me anë të Al Abbas.
https://twitter.com/goal/status/1695050352079544828?ref_src=twsrc%5Etfw%7Ctwcamp%5Etweetembed%7Ctwterm%5E1695050352079544828%7Ctwgr%5Ef30febac76990754db04f9b4f5e7bf3d3ab5b585%7Ctwcon%5Es1_&ref_url=https%3A%2F%2Fdosja.al%2Fsport%2Fshuhet-sherri-midis-benzema-dhe-trajnerit-santo-drejtuesit-e-al-ittihad-i–i322495
I pakënaqur që nuk mori shiritin nga trajneri Nuno Espirito Santo, Karim Benzema u ankua te drejtuesit dhe gjithashtu humbi një seancë stërvitore të ekipit përpara përplasjes me Al-Riyadh.
Ujërat u qetësuan shpejt, sulmuesi francez u rikthye nën komandën e Nuno Espirito Santo dhe mori atë që donte: ai është kapiteni i ri i skuadrës. Vendimi është marrë nga drejtuesit e klubit.
Al-Ittihad është lider në renditje, me 9 pikë nga tre ndeshje, barazohet me Al-Alhi, skuadra që ka bërë të saj Firmino, Mahrez, Saint-Maximin dhe Kessie këtë verë.
Karim Benzema ka nënshkruar një kontratë trevjeçare me Al-Ittihad, një klub që e bindi të largohej nga Real Madrid për në Arabinë Saudite, me një pagë vjetore prej 100 milionë eurosh. Al-Ittihad nuk pagoi asnjë euro për transferimin e Karim Benzema, i cili kishte arritur në fund të kontratës me Real Madridin.
Discussion about this post