Anëtari i Këshillit Kombëtar të PD-së, Akil Kraja ka denoncuar ditën e sotme situatën ku ndodhet tregu i telefonisë celulare nisur nga problemet që po hasin në ditët e fundit abonentët e operatorit “One Albania”.
Kraja ka denoncuar se problematikat e hasura janë të shumta teksa shton se shërbimi po degradon. “Situatë duopolistike dhe mosveprimi i AKEP në tregun e telefonisë celulare alarmante.
Një treg, i cili aktualisht është në një situatë duopolistike, me konkurrencë të kufizuar e alternativa jo-zëvëndësuese. Konsumatorët shqiptarë janë pa alternativa dhe të pambrojtur përballë rreziqeve teknologjike.
Prej muajsh, konsumatorët shqiptarë shprehin shqetësime të shumta përballë rënies së cilësisë së shërbimit të ofruar nga operatorët e telefonisë celulare në vend. Pamundësi për të transferuar numrin, mos rakordim i pagesave, kosto të larta, ndërprerje shërbimi.
Janë të shumta problematikat e hasura. Një shërbim i cili po degradon dhe më tej siç po ndodh ditët e fundit teksa mijëra e mijëra konsumatorë te njërës prej dy kompanive ne treg gjenden në pamundësi për të komunikuar normalisht” deklaroi ai.
Discussion about this post