Moderatorja e njohur Einxhel Shkira ka qënë kryefjala e mediave kohëve të fundit dhe shkak u bë veshja e saj në dasmën e motrës së Dj Dagz. Shkira kishte zgjedhur një fustan të zi në dasmën e kunatës së saj dhe duket se ndjekësit e Einxhel nuk e kanë pritur aspak mirë dhe kanë reaguar me komente mjaft negative.
Einxhel reagoi përmes disa postimeve, duke sqaruar njëherë e mirë se veshjen e kishte zgjedhur vetë me kunatën e saj dhe se ngjyra e fustanit nuk tregon aspak se sa shumë dashuri ke për kunatën.
Por ditën e sotme, ish-banorja e BBV është “sulmuar” sërish, duke e komentuar për format e saj trupore, duke e etiketuar si “të shëndosh” dhe ky koment ka ardhur pikërisht nga një femër. Shkira ka publikuar komentin e saj dhe ka “falenderuar” komentuesen për solidaritetin mes grave.
“Prandaj kemi njëra-tjetrën, për ditë të vështira. Solidariteti grave në maksimum”, shkruan Shkira. Më pas ajo ka reaguar përmes disa videove, të postuara në Instagram, duke thënë: “Duhet të kisha veshur këmishë të zezë edhe në plazh që të mos dukesha e shëndosh. Në fakt e kisha veshur por po plasja vape”
“Kuptojeni që askush nuk po ha bukën tuaj, askush nuk po ju kërkon rroba XXL dhe mbi të gjitha as opinion. Merruni me veten tuaj dhe mos u krahasoni me askënd. Jepini kohë mendjes tuaj për të gjetur paqen me veten dhe balancën mes asaj që jeni dhe që dëshironi të jeni”, përfundon artistja.
Por qershia mbi tortë që i ka ardhur Einxhel, pas komentit negativ, ka qënë një mesazh nga Dagz, i cili shkruan: “Ti nuk je e shëndosh, ti je më e mira në botë”./SHQIP
Discussion about this post