Chelsea dhe Luton inauguruan javën e tretë të Premier League, me “blutë” e Londrës që marrin fitoren e parë të sezonit, me rezultatin bindës 3-0 ndaj “The Hatters” në “Stamford Bridge”, ndërsa skuadra e sapongjitur në elitën e futbollit anglez vazhdon të vuajë mungesën e pikëve.
“Blutë” e Londrës zhbllokuan sfidën në minutën e 17’ me Sterling dhe bënë që pjesa e parë të mbyllej me rezultatin 1-0.
Ndërsa në minutën e 69’ Sterling, gjeti sërish rrugën drejt rrjetës, duke thelluar avantazhin dhe duke u dhënë siguri vendasve.
Ishte Jackson ai i cili vulosi rezultatin e këtij takimi, ndërsa në minutën e 75’ realizoi golin e tretë për skuadrën e Pochettinos.
Në fund gjithçka u mbyll me rezultatin 3-0, me Chelsean që renditet në vend të tetë me katër pikë, teksa Luton qëndron në vend të fundit me zero pikë.
Discussion about this post