Primaret për kandidatin, Berisha: Pjesëmarrje masive në Kukës

Kryedemokrati Sali Berisha ka publikuar një video nga qendra e votimit, ku po mbahen primaret për të zgjedhur kandidatin demokrat që do të garojë për Bashkinë Kukës, më 24 shtator.

Berisha në ‘Facebook’ shkruan se pjesëmarrja ka qenë masive prej orëve të para të mëngjesit, ndërsa i bën thirrje demokratëve të paraqiten për të votuar dhe përzgjedhur kandidatin e tyre.

Postimi:

Pjesëmarrje masive në primaret në Kukës!

Ftesë për të gjithë demokratët e Kukësit të marrin pjesë në primare për zgjedhjen e kandidatit të tyre për Bashkinë Kukës. Suksese!

Sot ka nisur procesi i primareve me parimin një anëtar një votë, për përzgjedhjen e kandidatit, që do të përfaqësojë demokratët dhe forcat opozitare në zgjedhjet e datës 24 Shtator 2023.

Emrat e kandidatëve:

1- Ardian Sokol Elezi

2- Emri Haxhi Vata

3- Gëzim Beqir Shehu

4- Uran Rakip Cengu

5- Ylber Haxhi Zeneli