Juventusi ka marrë një barazim 1-1 në shtëpi ndaj Bolognas në ndeshjen e vlefshme për javën e dytë në Serie A. Ekipi i Massimiliano Allegrit nuk ka arritur të vazhdojë me fitore, pasi është ndalur në Allianz Stadium nga Bologna.
Pjesa e parë e ndeshjes u karakterizua me lojë më të mirë të mysafirëve, të cilët arritën të shënojnë edhe një gol.
Goli i vetëm në këtë pjesë erdhi në minutën e 24-të dhe ishte Leuis Ferguson, i cili shënoi për epërsinë 0-1.
Në pjesën e dytë, u zhvillua lojë më e hapur dhe me më shumë raste nga të dyja skuadrat, por Juventusi ishte më e mirë, më konkret duke shënuar dy herë, por vetëm një herë ishte gol i rregullt.
Ishte sulmuesi Dusan Vlahovic, i cili fillimisht shënoi në minutën e 52-të, por VAR-i ia anuloi për pozicion jashtë loje, ndërsa i njëjti lojtar shënoi me kokë në minutën e 80-të për 1-1 dhe ky doli të ishte rezultati përfundimtar.
Pas këtij barazimi, Juventus e sheh veten në pozitën e katërt me katër pikë, ndërsa Bologna zë pozicionin e 14-të me një pikë.
Në ndeshjen e ardhshme, Bianconerët udhëtojnë te Empoli, ndërsa Bologna pret Cagliarin.
Discussion about this post