Leo Mesi u largua këtë verë nga PSG duke firmosur në MLS me skuadrën e Inter Majemit. Largimi i argjentinasit duket se nuk i ka mërzitur tifozët, përkundrazi, ata janë kënaqur që kanë larguar argjentinasin, ashtu si edhe Neymar.
Pak ditë më parë, në stadium u hap një pankartë kundër Neymarit. “Neymar, më në fund e hoqëm qafe të pasjellshmin”. Por, si duket Nejmari nuk është i vetmi që e ka pësuar nga tifozeria parisiene pasi edhe Mesi nuk është lënë rehat në Amerikë.
Disa ultras të PSG-së kanë shkuara para stadiumit të Inter Majemit dhe kanë hapur të njëjtën pankartë, por duke ndryshuar emrin.
“Mesi, më në fund e hoqëm të pasjellshmin”, shkruanin tifozët. Megjithatë, ndryshe nga aventura te PSG, Mesi ka gjetur veten në MLS duke shënuar 11 gola me skuadrën e re e duke u kthyer menjëherë në idhull për tifozerinë.
Discussion about this post