Rikthehet huliganizmi në futbollin anglez

Aktet e huliganizmit, rikthehen në futbollin anglez, me autobusin e një skuadre të njohur që është sulmuar nga tifozët rivalë.

Autobusi i Aston Villas është sulmuar pas ndeshjes në transfertën ndaj Burnley-t, këtë të dielë, në kuadër të javës së tretë të Premierligës.

Burnley, i cituar nga “Sky News”, tha se ata ishin “të pikëlluar dhe të tronditur” nga ajo që ndodhi.

“Pasi folëm me stafin e Aston Villas, ne jemi të lehtësuar kur dëgjuam se askush nuk u lëndua”,- vazhdoi Burnley.

“Ne e dënojmë fuqishëm këtë sjellje dhe do të mbështesim Policinë e Lancashire në përpjekjet e saj për të gjetur përgjegjësit”,- përfundoi klubi anglez.

Incidenti ndodhi pas fitores 3-1 të Aston Villa në Burnley të dielën pasdite.