Një aksident i rëndë ka ndodhur paraditen e sotme në Tiranë, ku si pasojë ka mbetur i plagosur një person. Burimet bëjnë me dije se ngjarja ka ndodhur rreth orës 09:35, në vendin e quajtur “Kafja e Rremës”, ku janë përfshirë në aksident mjeti me drejtuese shtetasen E. L., me mjetin me drejtues shtetasin D. Sh. Ndër të tjera, bëhet me dije se si pasojë e aksidentit është dëmtuar njëri nga shoferët, cili ndodhet në spital, nën kujdesin e mjekëve. Sipas të dhënave gjendja e të plagosurit paraqitet e rëndë, ndërsa shoferi tjetër është jashtë rrezikut për jetën.
Ende nuk dihen shkaqet kryesore të aksidentit, por dyshimet e para janë për parakalim të gabuar dhe shpejtësi tej normave të lejuara. Gjithsesi, grupi hetimor ndodhet në vendngjarje dhe po punon për sqarimin e rrethanave të aksidentit. Lagështira në rrugë dhe përdorimi I alkoolit kanë rritur numrin e aksidenteve në kryeqytet, ndërsa shoferët nuk sensibilizohen pavarësisht numrit të lartë të vdekjeve në aksidente.
Discussion about this post