Të gjithë ata të cilët janë të dhënë pas makinave dhe janë gati të shpenzojnë shifra jashtë normales për modele koleksionistësh, këtë javë do të kenë mundësinë që të bëjnë të tyren një makinë shumë të veçantë.
Në një ankand modelesh sportive e jo vetëm, më datë 2 shtator do të jetë në shitje një model i veçantë që i përkiste Silvio Berluskonit.
Bëhet fjalë për modelin Maserati Quattroporte V8 e blinduar, e cila iu dorëzua atij në vitin 2004 kur ishte kryeministër i Italisë nga Luka Kordero Di Montezemolo.
Më pas Berluskoni hoqi dorë nga ajo makinë dhe e shiti, duke bërë që të përfundonte te një koleksionist privat.
Kush do ta blejë, duhet të përgatitet të shpenzojë në shifër të lartë, pasi ankandi hapet me vlerën 100 mijë euro.
Por këtë radhë duhet vlerësuar se shtëpia e ankandeve, e cila ka nxjerrë në shitje edhe modele të tjera të njohura apo kaska e veshje sportive të pilotëve të Formula 1 e MOTO GP, do të dhurojë një përqindje nga paratë e siguruara nga shitjet për bamirësi.
Discussion about this post