Anulimi i fluturimeve nga kompanitë, zë në befasi shumë njerëz. Kjo gjë ndodh shpesh, pavarëisht se nuk raportohet në mënyrë frekuente nga mediat.
Karen dhe Majk janë bllokuar në Malaga pasi fluturimi i tyre i EasyJet për në Mbretërinë e Bashkuar u anulua dje.
Që atëherë, të dy kanë rezervuar fluturime me një tjetër linjë ajrore, Iberia, për t’u kthyer në shtëpi me një kosto prej 998 € (856 £) plus kosto të tjera të udhëtimit. Ata qëndrojnë në banesën e një shoku.
Karen i thotë BBC-së: “EasyJet thjesht nuk ka asnjë përfaqësues në aeroport [vetëm staf i check-in-it] dhe na u tha të shkonim te Manage my Booking [aplikacioni]. Kur e bëmë, nuk mundëm të gjenim asnjë fluturim për më shumë se një javë.”
Përveç kësaj, ajo thotë se linjat e tjera ajrore i kanë rritur çmimet për shkak të kërkesës.
BBC ka kontaktuar EasyJet për koment.
“Ne ishim në tavolinën e rezervimit të fluturimeve në aeroport dhe ndërsa agjenti po na rezervonte një fluturim të ri [në Iberia] çmimi u hodh nga 699 euro në 998 euro pasi ne ishim atje,” shpjegon ajo.
Karen thotë se tani është më pak e prirur për të udhëtuar, duke thënë se përvoja e ka lënë atë “të rezervuar” për të shkuar kudo.
Discussion about this post