Mbrëmjen e sotme në orën 20:30 Southampton do të ndeshet me Leicester për raundin e 14 të Premier League.
Skuadra ku luan ylli i Kombëtares shqiptare, Armando Broja, renditet aktualisht në vend të 16 me 14 pikë, teksa kundërshtarët e tyre të kësaj sfide qëndrojnë në vend të 10 me 18 pikë.
Rikujtojmë se Southampton vjen në këtë takim pas humbjes 4-0 ndaj Liverpool në javën e kaluar dhe sot i duhen tre pikët në mënyrë që të mos rrezikojë, zbritjen në renditje, që e çon edhe në pozicionet që i rrezikojnë rënien nga elita e futbollit anglez.
Në atë ndeshje Broja u cilësua edhe si lojtari më i mirë i ndeshjes, ndërsa gjithmonë bën diferencë në momentin që futet në fushë.
Mbrëmjen e sotme talenti ‘Kuqezi’ pritet që të luajë që nga minuta e parë, teksa do duhet të pritet deri në momentin e nxjerrjes së formacionit për të parë a do i besohet vendi në formacion Brojës./K.T/Gijotina.com
Discussion about this post