Një tjetër “legjionar” i Liverpool nën shënjestrën e sauditëve

Duket se shumë shpejt, nuk do të mbetet më askush, në Liverpul, nga garda e vjetër, fituese e çdo trofeu të mundshëm, nën drejtimin e Jurgen Klopp.

Klubi saudit Al-Ittihad i Xhedas po tregon interes jo vetëm për Mohamed Salah, por edhe për mbrojtësin e “The Reds”. Sipas RMC Sport, Ibrahima Konate ishte në sferën e interesave të kampionëve të Arabisë Saudite.

Sipas burimit, Al-Ittihad u interesua për Konate pasi nuk arritën te Jean-Clair Todibo i Nice. Megjithatë, Liverpool FC nuk planifikon të ndahet me lojtarin, teksa Jurgen Klopp e sheh atë si një figurë kyçe në ekipin e tij. E njëjta gjë vlen edhe për Joe Gomez, i cili gjithashtu ka qenë i lidhur me Al-Ittihad.

Ibrahima Konate e përfaqëson Liverpoolin që nga vera e vitit 2021. Portali transfermarkt e vlerëson lojtarin 38 milionë euro.