Një video e xhiruar brenda autobusit të kombëtares së femrave të Spanjës pas fitores në finalen e Kupës së Botës, do të jetë prova më e fortë me të cilën Luis Rubiales do të mbrohet para FIFA-s që e ka pezulluar për 90 ditë, apo para komisioneve hetimore në Spanjë, sportive apo civile.
Presidenti i pezulluar i Federatës Spanjolle, ka nisur sot në FIFA videon e shpërndarë nga një influencer i njohur spanjoll, ku shfaqet Jeni Hermoso me shoqet e saj të skuadrës duke komentuar pikërisht puthjen me presidentin e federatës.
Dhe në ato momente, shihet se të gjithë janë shumë në humor teksa komentojnë edhe një meme që ishte shpërndarë në internet, ku shfaqej Rubiales duke puthur futbollisten përkrah fotos se Iker Kasijas duke puthur Sara Karboneron pas triumfit në Botëror të Spanjës në vitin 2010.
“Si Iker me Sarën”, dëgjohen duke thënë teksa qeshin disa futbolliste dhe këtë frazë e përsërit duke qeshur edhe Hermoso teksa tregon memen para të tjerave.
Më pas shpërthen kori “Puthje, puthje”, nga të gjithë futbollistet e Spanjës, të njëjtat të cilat pak ditë më vonë deklaruan se tërhiqeshin nga ekipi kombëtar derisa Rubiales të shkarkohej nga detyra.
https://twitter.com/Alvise_Oficial/status/1696580341148840135?ref_src=twsrc%5Etfw%7Ctwcamp%5Etweetembed%7Ctwterm%5E1696580341148840135%7Ctwgr%5E72289a1bcc6289368b21e86357e642cf65133b86%7Ctwcon%5Es1_&ref_url=http%3A%2F%2Fwww.panorama.com.al%2Fsport%2Fvideo-si-iker-me-saren-rubiales-i-dergon-fifa-s-videon-qe-tregon-se-futbollistet-e-spanjes-bene-kore-me-puthjen%2F
Discussion about this post