Gjykata e Posaçme ka shtyrë seancën për shqyrtimin e masës së sigurisë ndaj Alma Kaçit. 40 vjeçarja që u përfshi në skandalin seksual me ish kryebashkiakun e Kukësit, Safet Gjici, po hetohet në “arrest shtëpie” për akuzën e korrupsionit aktiv ndërsa tani kërkon ‘hetim në gjendje të lirë’.
Pas seancës, foli jashtë ambjenteve të GJKKO avokatja e Alma Kaçit, Natasha Veliaj. Ajo u shpreh se do respektohet hetimi dhe do ndërmarri të gjitha hapësirat ligjore që lejohen.
Avokatja nuk deshi të zbulonte gjëra që i përkasin hetimit megjithëse bëri të ditur se mund të ketë të dhëna të reja. Për të kurrësesi nuk bëhet fjalë për një rast të korrupsionit aktiv.
“Mund të dalin të dhëna të reja që janë në efekt të hetimit. Nuk ka bashkëpunëtor në këtë mes. Korruptivim aktiv nuk kemi, ky është akt real. Respektojmë hetimet paraprake. Nuk mund të shprehem. Asgjë nuk kemi kërkuar. Po shfrytëzojmë hapësirat që na ka lënë ligji”, u shpreh avokatja.
Në Korrik, Kaçi dha sqarime para SPAK për videon intime ku shfaqej me ish-kryebashkiakun e Kukësit, Safet Gjici. Ky i fundit u arrestua më 24 qershor për korrupsion pasiv pasi dyshohet se ka favorizuar Kaçin mbi një projekt për strehimin dhe kujdesin ndaj qenve endacakë në qytet.
Vetë 40-vjeçarja ka pranuar se donte nga Gjici tenderin e qenve. Të dy kanë pretenduar se kishin një lidhje intime me njëri-tjetrin përpara se të flisnin në zyrën e shtetit për tender e favorizime dhe pasi kishin kryer marrëdhënie seksuale.
Discussion about this post