Ekspertja e ekonomisë, Brisida Shehaj e ka cilësuar hipokrizi akordimin e medaljes “Kordoni i Madh me Yll të Mirënjohjes Publike” ndaj ish-kryeministrit Fatos Nano nga kryeministri Edi Rama, dhe shprehet se ky i fundit me “sektin e tij” po përdorin emrin e Nanos.
Shehaj ka folur në retrospektivë duke thënë se Partia Socialiste kishte më parë burra e gra të nderuara me të cilët kishe kënaqesi të flisje e diskutoje, ndërsa sot brenda kësaj partie, sipas saj, mbizotërojnë elozhet për Ramën dhe bisedat me përmbajtje kriminale.
Ajo thekson se “Fatos Nano meriton të mos bëhet pis më nga këta” dhe uron shërim të shpejtë për ish-kryeministrin.
Postimi
U mata disa herë te shkruaja kur pashë lajmin për medaljen e dhënë sot Fatos Nanos.
Ndjeva një neveri që Rama dhe Sekti i tij edhe sot vendosën të përdorin emrin e atij drejtuesi që na afroi të gjithëve në Partinë Socialiste.
Pasi lexova statusin e Ylli Manjanit vendosa ta shpërndaj e ta lexojnë dhe ata pak socialistë që kanë mbetur e të kuptojnë së të qënit ushtarë të këtij sekti nuk i nderon.
Partia Socialiste kishte burra e gra të nderuara me të cilët kishe kenaqësi të flisje e diskutoje, kurse sot ka vetëm sahanlëpirës që flasin o për madheshtinë e liderit ose sa ka shku kilja mallit.
Tashmë është shumë vonë dhe ky aseti që këta e gjetën gati është kthyer në pacient terminal.
Fatos Nano meriton të mos bëhet pis më nga këta.
Nderim e respekt për gjithçka bëri dhe për shumë standarte që vendosi si politikan e si njeri.
Shërim të shpejtë Kryetar.
Discussion about this post