Nuk ka më mëri, djali bën bashkë Majk dhe Majlinda Zekën

Kur vjen puna tek fëmijët, prindërit lënë pas krahëve gjithçka dhe e përqendrojnë vëmendjen tek ato. Kështu ka ndodhur edhe me Majkun dhe ish-partneren e tij Majlinda Zekën, të cilët sot së bashku kanë shoqëruar djalin e tyre Roan në ditën e parë të shkollës.

I vogli i tyre sot nis klasën e parë dhe i ka pasur të dy prindërit pas vetes.

Majk ka ndarë disa foto me të në Instagram teksa i ka bërë edhe një dedikim të ëmbël duke shkruar:

‘Urime dita e parë e këtij rrugëtimi shkollor. Të priftë e mbara dhe gjithë të mirat në jetë. Të don babi’.

Po ashtu, edhe Majlinda ka publikuar disa foto me të duke shkruar: “Sot u bëre nxënës i klasës së parë. Urime dita e parë e shkollës Roan. Të uroj suksese dhe shumë momente të lumtura.”