Një aksident trafiku ka ndodhur sot rreth orës 19:30 në rrugën “Bill Clinton” në Prishtinë, ku janë përfshirë një automjet dhe një këmbësore.
Lajmin për Express e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se këmbësorja ka pësuar lëndime trupore, ndërsa shoferi i automjetit është larguar nga vendi i ngjarjes.
“Rreth orës 19:00 kemi pranuar informacionin se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një automjet.
Si pasojë e aksidentit lëndime trupore ka pësuar këmbësorja e cila është dërguar për trajtim mjekësor, ndërkohë që shoferi i automjetit është larguar nga vendi i ngjarjes. Zyrtarët nga njësiti i trafikut janë duke punuar në drejtim të identifikimit të vozitësit të veturës dhe hetimit e rastit”, tha policia.
Discussion about this post