Një autogol i jep fitoren Skënderbeut përballë City-t

Skënderbeu i Korçës ka arritur të marrë tre pikët e radhës duke triumfuar falë një autogoli përballë Dinamo City.

Ndeshja e luajtur në stadiumin “Skënderbeu” ka qenë interesante me shumë raste, por goli vështirë të hynte në portë.

Në minutën e 49’ të pjesës së dytë, një aksion i bukur i krijuar nga Rashica në krahun e djathtë, bëri të dërgonte topin brenda zonës, por për fatin e keq të Dinamos, Behiratche dërgon topin në portën e tij duke i dhënë kështu avantazhin vendasve.

Deri në fërshëllimën e fundit pati raste të tjera nga të dyja skuadrat, por në përfundim rezultati mbeti i njëjtë.

Skënderbeu shkoi në kuotën e 6 pikëve, ndërsa Dinamo City, ende nuk ka siguruar pikët e para në këtë sezon.