Ka ndërruar jetë pas një muaji në spital, vajza e ish-deputetit grek Stathis Koutmeridis, Parthena Koutmeridis. 38-vjeçarja ka humbur jetën pas një muaji luftë me koronavirusin në spitalin “Agios Loukas” të Selanikut.
Mediat greke bëjnë me dije se ajo ishte në muajin e shtatë të shtatëzanisë kur u prek nga koronavirusi dhe situata u përkeqësua menjëherë duke bërë që të shtrohej në spital.
Disa ditë më vonë, Koutmeridis u shtrua në repartin e shërbimit intensiv për shkak të komplikacioneve të rënda. Mjekët ia hoqën asaj foshnjën disa ditë më parë duke ditur rrezikun që kishte nëna.
Greqia është goditur nga një valë e rrezikshme infektimesh gjatë javëve të fundit, e cila ka rritur edhe numrin e të vdekurve. Vetëm sot, qeveria miratoi dozën e tretë me detyrim për personat mbi 60 vjeç, ndërsa po flitet edhe për rikthim të masave më të rrepta kundër koronavirusit.
Discussion about this post