“Teatër veror” e ka konsideruar deputeti demokrat Bledion Nallbati, Kuvendin Kombëtar të thirrur nga Lulzim Basha, ku u miratuan ndryshime në statut, që konsolidojnë rolin e kryetarit në PD-në e vulës.
“Teatri veror shëtitës më i madhi i dekadës po luan sot shfaqjen e fundit.
Demokratët dhe qytetarët duan bashkim, teatri ecën përpara me përjashtime e përçarje të reja.
Demokratët dhe qytetarët duan të forcohet PD dhe opozita që të mundin Edi Ramën, teatri kërkon të zvoglohet që ti krijojë qetësi Edi Ramës.
Demokratët dhe qytetarët presin zgjidhje, teatri ofron të njëjtën shfaqje fallciteti përgjatë 10 viteve, pa asnjë shenjë reflektimi.
E sigurt është që teatri mbyll shfaqjen sot dhe hyn në histori si dramë personale e vetëm një individi, pa asnjë lidhje me partinë, demokratët dhe qytetarët që duan ndryshimin dhe një Shqipëri më të ardhme më të mirë se e sotmja”, u shpreh Nallbati.
Deputeti demokrat është pozicionuar në grupimin e kryesuar nga Gazment Bardhi, ndërsa javë më parë iu drejtua Gjykatës së Tiranës, ku u depozituan aktet e miratuara në mbledhjen e Këshillit Kombëtar që u thirr nga Sekretari i Përgjithshëm i PD-së zyrtare.
Discussion about this post