Kërkoi ryshfete për të liruar kriminelin, gjykata jep vendimin për agjentin e “Fast Albania”

Agjenti i policisë “Fast Albania” Sokol Fana është lënë në masën e sigurisë “arrest me burg” nga Gjykata e Apelit Durrës.

Fana u arrestua pasi kërkoi ryshfete 7 mijë euro Klodjan Hajdërllit në këmbim të mos arrestimit.

Polici, Sokol Fana, akuzohet për “Mashtrim” dhe “Shpërdorim detyre”.

Pasi i ka dhënë 7 mijë euro oficerit të njësisë speciale FAST Albania, ose Njësia K, qytetari me inicialet Klodjan Hajdërlli ka bërë verifikimet e nevojshme dhe ka vërtetuar se ai në fakt nuk ishte në kërkim nga asnjë shtet europian dhe as nga Italia.

Menjëherë, ai i është drejtuar Policisë së Elbasanit dhe ka bërë denoncim. Kanë qenë vetë kolegët e Sokol Fanës të cilët kanë organizuar një operacion dhe i kanë vënë prangat atij. Materialet për këtë rast i kanë kaluar Prokurorisë së Elbasanit për veprime të mëtejshme hetimore.