Kalimi nga Barcelona te Spezia e Rei Manajt nuk rezultoi aq mirë sa pritej. Lojtari lushnjar ka kaluar pjesën më të madhe të kohës duke qëndruar në stol dhe duke mos e shijuar kampionatin e Seria A.
Ndonëse nuk ka pasur shumë minuta aktivizimi, sulmuesi nuk ka bërë më të mirën e tij që t’i sigurojë vetes vendin e titullarit.
Megjithatë duket se mbrëmjen e sotme fati është në anën e tij, ose të paktën kështu raportojnë mediat italiane.
Nga vendi fqinj bëhet me dije se trajneri i Spezias Thiago Mota ka menduar t’i besoja shqiptarit një fanellë titullari kundër ish-skuadrës së tij që filloi karrierën.
Kjo do të jetë një ndeshje shumë e veçantë për Manaj që do të shikojë të luajë qoftë edhe disa minuta kundër Interit, por kjo përballje është speciale edhe për trajnerin Mota i cili luan kundër të shkuarës së tij.
Aktualisht Spezia nuk është në pozita shumë të mira duke u renditur në vendin e 17 të tabelës së Seria A me vetëm 11 pikë në 14 takime të zhvilluara, ndërsa Inter qëndron në vend të 3 me 31 pikë.
Ndeshja midis Inter dhe Spezias do të nisë në orën 18:30, megjithatë ende nuk janë bërë publike formacionet zyrtare se si do të ndeshen sot këto dy skuadra./K.T/Gijotina.com
Discussion about this post