Kryetari i Partisë Demokratike, Lulzim Basha ka përforcuar qëndrimin e tij lidhur me Kuvendin Kombëtar të Partisë Demokratike, që ka ndarë në fronte demokratët, të cilët janë rreshtuar pranë tij ose pranë ish-kryeministrit Sali Berisha.
Në videon e publikuar, Basha shprehet se ka një Parti Demokratike, ndaj ka dhe vetëm një Kuvend Kombëtar, që do të mbahet më 18 dhjetor. Ai nënvizon gjithashtu që kjo lëvizje e Berishës për interesat e tij personal, po sjell përçarje të demokratëve, gjë të cilën po e shfrytëzojnë dhe kundërshtarët politikë.
“Unë besoj se rruga që ka ndjekur nuk i ka dhënë produktin e dëshiruar. Për më shumë dhe për fat të keq, faktorë ekstrapolitikë që s’kanë lidhje me interesat të demokratëve, të krimit të organizuar, oligarkë, por dhe kundërshtari ynë politik, është investuar që diçka të nisur nga Sali Berisha për interesin e tij personal, ta shfrytëzojë për ta përçarë Partinë Demokratike. Kësaj i është dhënë përgjigje përfundimtare me 15 Nëntor. Ka një Parti Demokratike, ka një kuvend me 18 Dhjetor”- tha Basha.
Ndërkohë nga ana tjetër fronti “Foltorja” vijon të theksoj se Kuvendi do të mbahet në 11 dhjetor, siç është kërkuar nga Sali Berisha, duke publikuar emrat e delegatëve që kanë firmosur për thirrjen e Kuvendit në këtë datë.
Discussion about this post